تعرف على تصريحات هنا الزاهد التي آثارت الجدل علي السوشيال ميديا

تصدرت الممثلة هنا الزاهد، التريند على مواقع التواصل الاجتماعي، خلال الساعات الماضية، بعد عرض برومو حلقتها مع النجمة إسعاد يونس، ببرنامج «صاحبة السعادة» المذاع على قناة " dmc".

سوف نعرض لكم التصريحات التي كشفتها هنا الزاهد، خلال الحلقة، عن تعرضها للتنمر بسبب صوتها، و تفاصيل أنفصالها عن طليقها الممثل أحمد فهمي، ومواصفات فتى أحلامها.

سبب تعرض هنا الزاهد للتنمر

أعلنت هنا الزاهد، أثناء اللقاء عن تفاصيل تعرضها للتنمر في بدايتها الفنية قائلة: «اتعرضت للتنمر بسبب صوتي، وقعدوا يقولوا عليا صوتها مش لايق على وشها، والكلام ده كان في بدايتى، بس عادي انا مش بتأثر نفسينا».

وتابعت هنا الزاهد، حديثها عن تامر حسني، وقالت: «تامر حسنى بيعتبرني مطربة عالمية وكل شوية يقولي عايزك تغنى، وأخدنى الاستديو سجلت معاه أغنية وكل الناس كانت متنحه، ولما كملت غنا وش تامر بقى أصفر من الصدمة وقالي يا هنا قومي روحي».

تفاصيل إنفصال هنا الزاهد

وقالت هنا الزاهد، بخصوص أنفصالها عن أحمد فهمي:"انا ما نزلتش دمعة بعد الانفصال، ورحت عند إخواتى وبقيت وسطيهم، وكان عندى إيمان إن ربنا شايلى حاجة علشان كدة حصل الإنفصال، وزملائى فى اللوكيشن اتصدموا قالوا ما نعرفش إن كان عندك مشكلة".

وأوضحت هنا الزاهد، عن فرحاتها بكل الفترات التي مرت بها في حياتها، وقالت: "أوقات بيكون عندى حزن وبكون بشوشة مببينش، وبحسم الأمور بعقلى وقلبى بعد أن كنت أتعامل بقلبى، واتقرصت من ناس كتير، وانا مبسوطة بكل الفترات اللى مريت بيها".

أكدت هنا الزاهد، أن طليقها أصبح زميل وليس صاحب، وعلقت:"بتمنى الخير للشخص اللى كان معايا ولو جالى دور حلو ممكن أشترك معاه، لأنه أصبح بالنسبة لى زميل مش صاحب".

مواصفات فتى أحلام هنا الزاهد 

وتحدثت هنا الزاهد، عن مواصفات فتى أحلامها، وقالت: "فتى أحلامى يكون راجل وسند وضهر ويعمل كل حاجة علشان يراضينى ويشجعنى علشان أكبر، وأحس بالأمان معاه، وانا ما بتشدش للى فى سنى وبحب الأطفال، وعشان كده نفسى فى بنت وولد".