شقيق اللاعب أحمد رفعت يكشف المتهم في مفاجأة غير متوقعة

كشف محمد شقيق احمد رفعت، على اتهام محمد رشوان محامي، لعبد الظاهرالسقا بالحالة التي وصل إليها اللاعب، وفي هجوم على هيثم عرابي وهو ملوش اي ذنب.

وقال: "أنا تعبت وأمي وأخويا الصغير، احنا المفروض نقعد ناخد عزاء أخويا، أنا يوميًا في 500 مكالمة بتجيلي، احنا عايزين نعيش في سلام واللي بعد كدة ومحدش يتأذي، وميحصلوش مشكلة. احنا مستنيين التحقيقات اللي تظهر مين الغلط ومين الصح".

وأضاف: "بقالنا من وقت وفاة أحمد احنا عايشين في ضغط عصبي بسبب اللي بيحصل على السوشيال ميديا، أنا كنت ذكرت اسم هو تسبب في أذى نفسي لأحمد وإديت مثال، للي كان أخويا عايز يقوله لما طلع معاك".

وأكمل: "لكن مقولتش أكثر من كدة، أنا بشكر التحقيقات والدولة وبيحققوا في الموضوع، ووزارة الشباب والرياضة، احنا مش مستنيين حاجة من حد".

وواصل: "مفيش حاجة هتحصل هتعوض فراق أخويا عني وعن أمي وأخويا الثاني، الفكرة كلها إننا مش عايزين الموضوع ده يحصل مع حد تاني يتظلم يحصل له أذى، ده عمره وقضاء وقدر، وكان ممتن جدًا للمؤسسة العسكرية، أكثر مكان ساعده في الفترة دي كانوا بيساعدوه جدًا عشان يشيلوه من اللي هو فيه".

وأضاف: "هيثم عرابي ده أخونا شخص من بعد محنة أحمد رفعت لحد النهاردة الراجل عندنا كل يوم في البيت. أحمد كان محترم لأبعد الحدود وكنت بقول عليه مثالي، لما في حد بيأذيه كان بيبعد عنه".

وأشار: "أنا شايف إن هيثم عرابي شخص مطحون على السوشيال ميديا، الشخص الثاني أحمد بس اللي يعرفه ولا حد يعرفه. أحمد في شخص أذاه عن طريق تأخير وصول أوراق معينة له، إنه لما يرجع بلده يشتغل شغله العادي والأمور الطبيعية".

وأوضح رفعت في تصريحاته: "الشخص الثاني مش الكابتن عبد الظاهر السقا وهو ملهوش ذنب في أي حاجة، والشخص الثاني محدش يعرفه غير أحمد الله يرحمه أنا ذكرت اسم واحد".