"هتموتوا وتجوزوني هيجرالكم حاجة"..ملك أحمد زاهر ترد على أخبار ارتباطها

نشرت الممثلة الشابة ملك أحمد زاهر، فيديو لها على الأستوري في حسابها الرسمي عبر Instagram ، ترد فيه على الإشاعات التي تداولت عن ارتباطها بعد إطلالتها في جلسة تصوير ترتدي فستان أبيض رقيق و تاج على رأسها و ظهرت كأنها عروس. 

تحدثت ملك أحمد زاهر في الفيديو قائلة: "معلش يا جماعة بس أنا غير قادرة إني أسكت، نزلت جلسة تصوير من يومين بفستان أبيض والمقصود بيه إنه ملائكي والحمد لله في 80 % من الجمهور فهموا، في 20 % بيقولوا مبروك دا كتب الكتاب ولا الخطوبة يكونش قراية الفاتحة ألف مبروك".

وواصلت ملك أحمد زاهر عن أشاعات الجمهور لها: "يعني هل لو فكرنا 5 ثواني هنلاقي أن مفيش عريس في ولا صورة هل أنا للدرجة دي موصلالكم إني بكره الصنف الآخر لدرجة إني مش هحطه معايا في جلسة تصوير جوازنا، أكيد لا لأ يا جماعة هتموتوا وتجوزوني هيجرالكم حاجة".

يقال إن ملك أحمد زاهر، كشفت منذ فترة عن مواصفات فتى أحلامها و قالت: "لازم يكون حنين أوي ورومانسي، عشان أنا طيبة ورومانسية، ويكون راجل ومسئول ومتفاهم عارف شغلي وبيشجعني فيه وأنا أشجعه في شغله".

وأكدت ملك أحمد زاهر، أنها لا تهتم بالارتباط حاليا فتهتم الآن بعملها، حيث قالت: "أنا مركزة في شغلي دلوقتي والحاجات دي بتكون قسمة ونصيب ومستنية يجي الشخص المناسب عشان أنا طيبة وأول ما ألاقي الشخص الكويس اللي يعاملني زي بابي هرتبط بيه".