أحمد سعد يتصدر الترند بعد أرتداءه "خلخال"

ظهر الفنان أحمد سعد، بإطلالة تثير الجدل، حيث تواجد على مركب في رحلة بحرية، يرتدي قميص وشورت أبيض، و يلبس في رجله أربطة ملونة "خلخال" من الخيوط.

وحصل أحمد سعد، على انتقادات كثيرة من جمهوره، بسبب ظهوره بهذا الشكل، وخاصة عندما ظهر من قبل في أحد الحفلات يرتدي حلق في أذنيه و قميص من الشبك.

حيث رد أحمد سعد، على هذه الانتقادات التي وجهت له أثناء لقائه في برنامج Sold Out من تقديم الإعلامي محمود سعد، و قال: "أنا ندمان إني لبست الحلق، الغرب كتير جدا بيلبسوا الحلقان تقاليدهم وكده، والحلق ملوش علاقة بالستات يعني مش بتاع ستات بس، وفي شباب كتير بيلبسوه، في موضة معينة خلاص الدنيا بقت مفتوحة دلوقتي مبقاش زي زمان الدنيا كلها باصة على بعض".

و تحدث أحمد سعد، عن سبب لبسه للشبك و الحلق و قال: "أنا رحت إيطاليا دورت على أكبر ستايلست يلبسني، بس هو غالبا قلعني مش لبسني لأنه كان بكم عادي خلاني شبك، أنا قلت ألبس على أحسن موضة، ميلانو هي منارة الموضة فجابلي الجاكيت والحمد لله عشان عاداتنا وتقاليدنا هو كان معاه "جيبه" بس قلت لأ مش عايز أزودها، رميت "الجيبه" وضربت الشبك، وناس كتير لبست شبك".

وأوضح أحمد سعد، أنه لم يغضب من الانتقادات التي وجهت له بسبب ملابسه و تحدث: "أنا بتضايق جدا من الناس اللي بتقولي نقد، لكن أول مرة يعجبني النقد، أنا كنت بتشتم 3 أيام في الأسبوع زي المضاد الحيوي، لكن أنا كنت مبسوط أن الناس شافتني منهم وجوا بيتهم، ممكن حد تاني يلبس كده ويسيبوه عادي لكن الناس حابين إني أكون في بيوتهم، ودي حاجة أنا فخور بيها جدا وأنا بعمل كل ده للناس كل الأغاني بختارها عشان تدخل البيوت".