نشر عمرو يوسف صورة تجمعه بكندة علوش موجها رسالة دعم لها و تفاعل نجوم الوسط مع رسالته لها

الممثل عمرو يوسف، حرص على دعم زوجته الفنانة كندة علوش، بعد كشف إصابتها بمرض سرطان الثدي، أثناء لقاء خاص مع منى الشاذلي.

نشر عمرو يوسف صورة تجمعه بكندة علوش

ونشر عمرو يوسف، بحسابه الرسمي علي إنستجرام، صورة تجمعه بكندة علوش، وعلق عليها:"الحمد لله ثم الحمد لله ثم الحمد لله، الحمد لله علي كل شيء، ظروف صعبة مرينا بيها علي مدار سنتين لكن انت كنتِ مؤمنة و مسلمه امرك لله".

دعم عمرو يوسف ل كندة

وأوضح: "ظهورك و كلامك قوي ناس كتير هتبدأ رحلتها، وكانت خايفة لكن انت في عز تعبك اديتيهم قوة، ربنا يخليكي ليا و لأولادك و لحبايبك في الدنيا كلها اللي ما بطلوش دعاء ليكي من ساعة ما عرفوا، ربنا يحبب فيكي خلقه كمان و كمان عشان انت تستاهلي كل حب الدنيا يا أجمل قلب في الدنيا".

تفاعل نجوم الوسط مع كلام عمرو يوسف

وتفاعل مع كلام عمرو يوسف، عدد كبير من نجوم الوسط الفني، فكتبت الممثلة هند صبري:"ربنا يحفظكم لبعض و لأولادكم و يجبركم جبرا جميلا على كل اللحظات الصعبة الي عدّت"، وأيضا علقت داليا البحيري قائلة:"ربنا يتم شفا كندة علي خير ويخليكم لبعض ولأولادكم يا عمرو".

دعم عمر يوسف لزوجته 

وتحدثت كندة علوش، في الحلقة عن دعم زوجها عمرو يوسف لها، أثناء فترة علاجها، متحدثة:"عمرو لما عرف إني مصابة بالسرطان كان خايف أكتر مني وقلقان، وقررت أنا وهو إننا مش هنعرف حد لأننا مش عايزين نقلق الناس، وعمرو كان بيوصلني الجلسات ويقولي إن لازم حد يقعد معايا في المستشفى، عمرو كان داعم قوي جدًا لأنه شخص إيجابي ولا يستسلم للحزن وكل ما يشوفني هقرب من الحزن يرجعني ومروحش في السكة دي، وهو كان معايا في المستشفى ورحلة العلاج، وكان بيخفف عني ويسمعني وميسبنيش أستغرق في الخوف".