خاض في عرضي وشرفي.. ميار الببلاوي تنهار من البكاء بسبب داعية ديني

تصدرت الفنانة ميار الببلاوي، التريند بعدما قامت ببث مباشر من خلال حسابها الرسمي على "فيسبوك"، تنهار فيه من البكاء، بعد قيام داعية ديني بالتعليق على تصريحاتها عن تعدد زواجها، أثناء ضيافتها ببرنامج العرافة الذي تم عرضة رمضان الماضي.

وأنهارت "ميار" بالبكاء عند بدء البث المباشر، وعلقت: "أنا سكت كتير سكت لأني مؤمنة بحديث الرسول أميتوا الباطل بالسكوت عنه، والباطل لما بيتكلم نقدر نسكته لما مانتكلمش فيه، وأنا تعبت كل ما أعمل حاجة يقولوا عشان التريند".

واكملت قائله: "لقيت شيخ فاضل اللي أنا بحبه في الله خاض في عرضي وشرفي، هو شيخ جليل وكلنا بنحبه بس قالي انتي جيالي عشان أنا حطيتك على المرجيحة، أصل أنا جيت عليكي جامد على الصفحة بتاعتي وقال عليا باخد كل راجل ليلتين، والموضوع بدأ من حلقة بسمة وهبة، وأنا ابني مابيكلمنيش من ساعة ما الحلقة طلعت، كل الناس عمالة تقطع فيا وفي عرضي وأنا مش عايزة أقولكم كمية المونتاج اللي اتعمل في الحلقة".

وتابعت: "وبقول يا رب أنت شايف وعارف، ده أنا النفس بخاف اتنفسه أنا بخاف من ربنا، ده أنا مبشريش القهوة وبخاف أشربها، أنا شبعت ظلم مفيش حد اتظلم أكتر ما انا اتظلمت لكن توصل لشرفي وعرضي، حسبي الله ونعم الوكيل، أنا ام راجل وزوجة راجل وبنت صعيدية، حرام عليكم قطعتوني، ابني واخواتي مبيكلمونيش".

وأضافت: "أنا اتجوزت على سنة الله ورسوله هو أنا لو ست وحشة هتجوز!، دي حاجة تخصني أنا، وبقول للشيخ حسبي الله ونعم الوكيل فيك ادفن نفسي يعني، احنا جوازتنا غير وأكتر من الناس التانية وعمري ما عملت حاجة عيب ولا غلط، اتجوزت ولا اتطلقت ملكوش دعوة بيا".

وأثارت ميار جدلاً واسعاً عند حديثها عن طلاقها ١١ مرة من نفس الزوج وهو المرتبط بها حاليا، أثناء حلقتها ببرنامج "العرافة"، وأنكرت وجود محلل بينهم لعودتهم سوياً.

نرشح لك:

حقيقة أغتيال البلوغر العراقية أم فهد بعد شهرتها بفيديوهات خادشة للحياء

الديوان الملكي: وفاة الأمير منصور بن بدر بن سعود بن عبدالعزيز آل سعود

جروب أعضاء متضررين من نادي إيزي سبورت يتهمون رجل الأعمال محمد العبد بأكل حقوقهم