إيمي سمير غانم: حسن مبقاش شايفني ولامعبرني من بعد الولادة

وضحت النجمة إيمي سمير غانم عن التغيرات  الذي حدثت لشخصيتها بشكل عام بعدما إنجبت طفلها الأول في 2 يناير وهو نفس يوم عيد ميلاد حسن الرداد، وأيضا التغيرات الذي حدثت لزوجها النجم "حسن الرداد". وقالت النجمة "إيمي سمير غانم" من خلال تصريحات تليفزيونية لها: “أنا أصلا شخصيتي تمثل شخصية أم وكنت مستعدة  ومهيأة نفسي لكده، قبل الولادة أنا كنت مدمنة مساعدة أي ممثل كبير في التصوير معانا زي  مثلاً بابا، أو أي حد كبير سناً في الشارع، دلوقتي بقيت اقدر أوفر في الاهتمام بالأطفال وأنا أصلا مش بفهم في الأطفال”. وأضافت قائله: “حاليا أنا مش عارفة أشتغل علشان ابني موجود معايا في كل مكان ومش عارفة أسيبه”.

كيف تغير حسن الرداد ؟

ورداً على سؤال كيف تغير حسن الرداد، قالت إيمي سمير غانم: “حسن كائن بيتوتي بطبعه، بيحب جداً جو البيت والقعدة فيه، وبعد الأحداث اللي حصلتلنا في عيلته وعيلتي بقى دائماً عايز يشوف ابنه، ولو شغال عايز يرجع من الشغل بسرعة علشان يشوفه ومش بيعبرني نهائياً”. يذكر أن إيمي سمير غانم لم تظهر في أي لقاء تليفزيوني أو صحفي منذ وفاة والديها الفنان "سمير غانم" والنجمة "دلال عبد العزيز"، واكتفت بالظهور في فيديوهات عبر حسابها بتطبيق TikTok، مع زوجها النجم حسن الرداد.