"أنا قاعدة في المقابر مش عايزة أرجع البيت" ميار الببلاوي تتحدث عن أزمتها الأخيرة

تحدثت الفنانة ميار الببلاوي، أثناء لقاء لها في برنامج "قعدة ستات" من تقديم مروة صبري، عن أزمتها الأخيرة، بسبب طلاقها من زوجها و عودتها له من جديد، وهذه الأزمة أثرت على نفسيتها، وحاليًا أصبحت لا تحب البقاء في المنزل وتفضل زيارة والدتها في المقابر.

و علقت ميار الببلاوي خلال اللقاء قائلة: "لما تعرضت لأزمتي الأخيرة رحت المقابر أزور أمي، وقلت لها هو أنا مين هيطبطب عليا أنا مش لاقيه حد يطبطب عليا لو سمحتي تعالي طبطبي عليا، تعالي قوليلي إني عمري ما عملت حاجة حرام في حياتي حتى من زمان من قبل ما التزم وأنا بخاف، أنا بخاف من ربنا خوف مرضي، أنا قاعدة في وسط المقابر كتير من ساعة ما الموضوع دا حصل مبقتش عايزة أرجع البيت".

وواصلت الببلاوي عن وفاة والدتها: "والدتي توفت من سنتين، روحي راحت مني، بنت عمي دايما بتقولي "مرات عمي ماتت وإنتي ادفنتي"، أنا كنت دايما بحب الناس، لا بقيت أخرج ولا بكلم الناس أنا بعمل شغلي عشان دا أكل عيشي أنا كنت بحب أسافر بقيت عايزة أروح بس أعملها عمرة، قعادي في المقابر بقى أكتر من قعادي في البيت".

وتابعت ميار الببلاوي، أثناء اللقاء: "حياتي بقت هناك تقريبا كل يوم وبقولها كل حاجة عن ابني وعن إيه حصل زي ما كنت بكلمها بالظبط وحتى الشيخ قالي كده كتير ومش كويس أنا دارسه وعارفة أن غلط نروح المقار كتير إحنا بنروح للعظة".

وتصدرت ميار الببلاوي، التريند و آثارت الجدل، بعد تصريحاتها أثناء حلقتها في برنامج "العرافة" قالت “إنها عادت لزوجها الأول بعد 3 زيجات أخريات وطلاق 11 مرة”.

وتحدث الشيخ محمد أبو بكر، على ما قالته ميار الببلاوي، في لقائها مع " العرافة" قائلا: "ماكنتش حابب أتكلم، لكن بعد أن تكلمت الأخت ميار الببلاوي عن أنها اتطلقت من زوجها 11 مرة وكانت بترجع بمكالمة ولجأوا للمحلل، فهي أعادت للذاكرة فيلم عادل إمام اللي كان فيه دا، وبدأ الناس تتكلم، والبعض بدأ يحتال على الشرع ويلجأ لهذه الطريقة، إبراء لذمتي، الإسلام بريء مما قالته ميار الببلاوي شكلا وموضوعا، كلامها لا يمت للدين بصلة، ربنا جعل الطلاق 3 مرات مش 11 مرة، وجعل المرة الثالثة حاسمة وفاصلة".